sbi-personel-loans-through-sbi-yona-app
SBI Personal Loan: ఎస్బీఐ కస్టమర్లకు ప్రాసెసింగ్ ఫీజు లేకుండా పర్సనల్ లోన్… ఎలా తీసుకోవాలంటే
ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (SBI) కస్టమర్లకు అదిరిపోయే శుభవార్త చెప్పింది. యోనో యాప్ ద్వారా పర్సనల్ లోన్ కోసం దరఖాస్తు చేసుకుంటే ప్రాసెసింగ్ ఫీజు మినహాయింపు ఇస్తామని ప్రకటించింది.
అంతేకాదు, యోనో యాప్ ద్వారా కేవలం నాలుగు క్లిక్లలో పర్సనల్ లోన్కు దరఖాస్తు చేసుకోవచ్చని తెలిపింది. మరిన్ని వివరాల కోసం, ఆసక్తిగల కస్టమర్లు ఎస్బీఐ అధికారిక వెబ్‌సైట్ www.sbi.co.in ను సందర్శించాలని కోరింది.
ఎస్బీఐ తాజాగా తన అధికారిక ట్విట్టర్ హ్యాండిల్ ద్వారా పర్సనల్ లోన్లకు సంబంధించిన వివిధ ఆఫర్లు, బెనిఫిట్స్ గురించి ట్వీట్ చేసింది.
ఆ ట్వీట్‌లో, “ఇప్పుడు ఎస్బీఐ జీరో ప్రాసెసింగ్ ఫీజుతోనే పర్సనల్ లోన్లను ఆఫర్ చేస్తోంది. అంతేకాదు, కేవలం 9.60 శాతం తక్కువ వడ్డీ రేటుకే పర్సనల్ తీసుకోవచ్చు.
సుదీర్ఘమైన డాక్యుమెంటేషన్ ప్రక్రియ అవసరం లేకుండా యోనో యాప్ ద్వారా కేవలం నాలుగు క్లిక్లలో ఇంట్లో నుంచే దరఖాస్తు చేసుకోవచ్చు.” అని తెలిపింది.
ఎలిజిబిలిటీ ఎలా చెక్ చేయాలంటే…
ఆసక్తి గల కస్టమర్లు 567676 నంబర్కు మెసేజ్ చేయడం ద్వారా మీ లోన్ ఎలిజిబిలిటీ చెక్ చేసుకోవచ్చు. ఇందు కోసం మీ రిజిస్టర్ మొబైల్ నంబర్ నుంచి టైప్ చేసి 567676 నంబర్కు ఎస్ఎమ్ఎస్ పంపించాలి. ఆ తర్వాత మీరు ఎంత లోన్ తీసుకునేందుకు అర్హత ఉంది? వర్తించే వడ్డీ రేటు ఎంత? అనే వివరాలు ఎస్ఎమ్ఎస్ రూపంలో వస్తాయి. ఆ తర్వాత మీ ఆండ్రాయిడ్ లేదా ఐఫోన్ డివైజెస్లో యోనో యాప్ను డౌన్లోడ్ చేసుకొని లాగిన్ అవ్వండి. కేవలం 4 క్లిక్లలో పర్సనల్ లోన్కు దరఖాస్తు చేసుకోండి.
CHECK YOUR SBI BALANCE AND MINI STATEMENT CLICK HERE
ఎస్బీఐ యోనోలో ఇలా దరఖాస్తు చేసుకోండి
Step 1- ముందుగా మీ మొబైల్లో యోనో యాప్ను తెరవండి. మీ లాగిన్ ఐడీ, పాస్వర్డ్ డీటెయిల్స్తో లాగిన్ అవ్వండి.
Step 2- లోన్ సెక్షన్లో కనిపించే ‘అవైల్ నౌ’ ఆప్షన్పై క్లిక్ చేయండి.
Step 3- మీ లోన్ మొత్తం అమౌంట్, లోన్ టెన్యూర్ వివరాలను ఎంటర్ చేయండి.
Step 4- మీ రిజిస్టర్ మొబైల్ నంబర్కు వచ్చిన ఓటీపీని ఎంటర్ చేయండి. కొద్ది నిమిషాల తర్వాత మీ బ్యాంక్ అకౌంట్కు లోన్ అమౌంట్ క్రెడిట్ అవుతుంది.