SBI-allows-to-submit-pensioners-life-certificate-through-video-call-details
SBI Life Certificate: పెన్షనర్లకు ఎస్బీఐ గుడ్ న్యూస్… వీడియో కాల్ ద్వారా లైఫ్ సర్టిఫికేట్ సబ్మిట్ చేసే అవకాశం
పెన్షనర్లకు స్టేట్ బ్యాంక్ ఆఫ్ ఇండియా (SBI) గుడ్ న్యూస్ చెప్పింది. వీడియో కాల్ ద్వారా లైఫ్ సర్టిఫికెట్ (Life Certificate) సబ్మిట్ చేసే అవకాశం కల్పిస్తోంది.
పెన్షన్ పొందుతున్న వృద్ధులకు ప్రభుత్వ రంగ దిగ్గజం స్టేట్ బ్యాంక్ ఆఫ్ ఇండియా (SBI) గుడ్న్యూస్ చెప్పింది. ఎస్బీఐ మొట్ట మొదటిసారిగా ‘‘వీడియో లైఫ్ సర్టిఫికేట్’’ (వీఎల్సీ) సర్వీసులను లాంచ్ చేసింది. ఈ సర్వీసు కింద పింఛను దారులు వీడియో కాల్ ద్వారా లైఫ్ సర్టిఫికెట్ను (Life Certificate) సబ్మిట్ చేసే అవకాశం కల్పిస్తుంది. ఇవాల్టి (నవంబర్ 1) నుంచి ఈ కొత్త రకమైన సేవలు అందుబాటులో ఉంటాయి. ఇప్పటివరకు పెన్షన్ ద్వారా ఆదాయం పొందుతున్న వారు.. బ్యాంకులో గాని, పోస్టాఫీసులో గానీ, వారికి సంబంధించిన పెన్షన్ ఆఫీస్ నందు లేదా జీవన్ ప్రమాణ్ పోర్టల్లో లైఫ్ సర్టిఫికెట్ చేసేవారు. కానీ, కరోనా కారణంగా నేరుగా బ్యాంకులకు వెళ్లి లైఫ్ సర్టిఫికెట్ సబ్మిట్ చేయడంలో ఇబ్బందులు ఎదుర్కొంటున్నారు. ఈ నేపథ్యంలో ఇంటి నుంచే లైఫ్ సర్టిఫికెట్ సబ్మిట్ చేయడానికి ఎస్బీఐ అవకాశం కల్పిస్తోంది.
దీనిపై ఎస్బీఐ ట్వీట్ చేస్తూ “ఇప్పుడు మీ లైఫ్ సర్టిఫికెట్ను మీ ఇంటి నుంచే సమర్పించండి! ఈ సర్వీసులు నవంబర్ 1 నుంచి ప్రారంభమవుతాయి. పెన్షనర్లు తమ జీవన ధ్రువీకరణ పత్రాలను సాధారణ వీడియో కాల్ ద్వారా సమర్పించడానికి అనుమతిస్తుంది.” అని #SBI #Pensioner #AzadiKaamritSCP అనే హ్యాష్ట్యాగ్ జోడించి ట్వీట్ చేసింది. అంతేకాదు, లైఫ్ సర్టిఫికెట్ను ఎలా సబ్మిట్ చేయాలనే దానిపై దాదాపు 1 నిమిషం నిడివి గల వీడియోను షేర్ చేసింది.
Now submit your #LifeCertificate from the comfort of your home! Our #VideoLifeCertificate service launching on 𝟏𝐬𝐭 𝐍𝐨𝐯 𝟐𝟎𝟐𝟏 will allow pensioners to submit their life certificates through a simple video call.#SBI #Pensioner #AzadiKaAmritMahotsav #AmritMahotsav pic.twitter.com/SsyJjnCPlL
— State Bank of India (@TheOfficialSBI) October 29, 2021