సర్వీసు రూల్స్ ప్రకారమే గ్రేడ్-2 వీఆర్ఓల ప్రొబేషన్
గ్రేడ్-2 గ్రామ రెవెన్యూ అధికారుల (వీఆర్ఓ) ప్రొబేషన్ను ఇప్పుడున్న సర్వీసు రూల్స్ ప్రకారమే ప్రకటించాలని రెవెన్యూశాఖ ఆదేశాలు జారీ చేసింది. ఈ మేరకు భూ పరిపాలనా ప్రధాన కమిషనర్కు ఉత్తర్వులు ఇచ్చారు. 2019లో సవరించిన 2008 వీఆర్ఓ సర్వీసు రూల్స్ను మార్చాల్సిన అవసరం లేదని, అవి రెండు కేటగిరీలకు సరిపోతాయని రెవెన్యూశాఖ ముఖ్యకార్యదర్శి వి.ఉషారాణి స్పష్టం చేశారు. ప్రస్తుతం అమల్లో ఉన్న 2008 వీఆర్ఓ సర్వీసు రూల్స్ (సవరించిన) ప్రకారమే గ్రేడ్-2 వీఆర్ఓల ప్రొబేషన్ను డిక్లేర్ చేయాలని సీసీఎల్కు లేఖ రాశారు. ఈ మేరకు విలేజ్వార్డు సెక్రటేరియట్ విభాగానికి తెలియజేయాలని లేఖలో పేర్కొన్నారు.