whatsApp-new-features-alert-for-users
WhatsApp: ప్రముఖ మెసేజింగ్ యాప్ వాట్సాప్ తమ యూజర్లకు ఎప్పటికప్పుడు కొత్త ఫీచర్లను అందుబాటులోకి తీసుకొస్తోంది. ఇప్పుడు మరో ఫీచర్‌ను తీసుకొచ్చేందుకు సిద్ధమైంది. వాట్సాప్‌లో డిస్‌అప్పియరింగ్ మెసేజెస్, వ్యూ వన్స్ వంటి ఫీచర్ల తరహాలోనే ఎక్స్‌పైరింగ్ గ్రూప్స్ ఫీచర్‌ను పరిచయం చేసేందుకు సిద్ధమవుతోంది. వాట్సాప్‌లో గ్రూపులు తాత్కాలికంగా ఉండటం ఏంటని అనుకుంటున్నారా? వాట్సాస్ తీసుకొచ్చిన ఆ కొత్త ఎక్స్‌పైరింగ్ గ్రూప్ ఫీచర్ ఏంటో ఇప్పుడు మనం తెలుసుకునే ప్రయత్నం చేద్దాం.
WhatsApp: వాట్సాప్.. ఇప్పుడు స్మార్ట్ ఫోన్ ఉన్న ప్రతి ఒక్కరు వాడుతున్న మెసేజింగ్ యాప్. కోట్లాది మంది యూజర్లను సొంతం చేసుకున్న ఈ సామాజిక మాద్యమం ఎప్పటికప్పుడు కొత్త ఫీచర్లను పరిచయం చేస్తుంది. యూజర్లకు కొత్త అనుభూతులను తెలిస్తోంది. మనం సాధారణంగా స్కూల్ కాలేజీ, ఆఫీసు వంటి ప్రాంతాల్లో ఒక విషయాన్ని ఎక్కువ మందికి చేరవేసేందుకు వాట్సాప్‌లో గ్రూప్ క్రియేట్ చేసి దానిలో పెట్టేస్తున్నారు. గుడ్ మార్నింగ్‌ల నుంచి పండగలు, బర్త్‌డే పార్టీలు, కాలేజీ టూర్లు, స్నేహితులు, సహోద్యోగుల మధ్య సంభాషణలు ఈ గ్రూపుల్లోనే సాగుతున్నాయి. కొన్ని సందర్భాల్లో తాత్కాలిక గ్రూపులను (temporary group) క్రియేట్ చేసి సమాచారం అందించిన తర్వాత వాటిని డిలీట్ చేయకుండా వదిలేస్తుంటారు. అలాంటి వారి కోసమే వాట్సాప్ సరికొత్త ఫీచర్‌ను అందుబాటులోకి తీసుకురానుంది.
డిస్‌అప్పియరింగ్ మెసేజెస్, వ్యూ వన్స్ వంటి ఫీచర్లు ఇప్పటికే వాట్సాప్‌లో అందుబాటులో ఉన్నాయి. అదే తరహాలో ఇప్పుడు ఎక్స్‌పైరింగ్ గ్రూప్స్ (Expiring Groups) పేరుతో కొత్త సదుపాయాన్ని యూజర్లకు అందుబాటులోకి తీసుకొస్తోంది. దీని ద్వారా యూజర్లు తాత్కాలిక గ్రూప్‌లను క్రియేట్ చేయొచ్చు. ముందుగా నిర్ణయించిన సమయంలో ఆ గ్రూపులు ఆటోమేటిగ్గా డిలీట్ అయిపోతాయి. ప్రస్తుతం పరిశోధనల దశలో ఉన్న ఈ కొత్త ఫీచర్ త్వరలోనే యూజర్లందరికీ తీసుకురావాలని వాట్సాప్స్ వేగంగా చర్యలు తీసుకుంటోంది.
ఎలా క్రియేట్ చేయాలి..
వాట్సాప్ గ్రూప్ క్రియేట్ చేసిన తర్వాత ఎక్స్‌పైరింగ్ గ్రూప్ ఎనేబుల్ చేసేందుకు ముందుగా గ్రూప్ ఇన్ఫో ఆప్షన్‌లోకి వెళ్లాలి. అందులో గ్రూప్ సెట్టింగ్స్ ఉంటుంది. దానిపై క్లిక్ చేస్తే ఎక్స్‌పైరింగ్ గ్రూప్స్ అనే ఆప్షన్ ఉంటుంది. దానిని నొక్కగానే రోజు, వారం, కస్టమ్ డేట్, రిమూవ్ ఎక్స్‌పైరేషన్ అనే ఆప్షన్లు కనిపిస్తాయి. కస్టమ్ డేట్ అనే ఆప్షన్‌లోకి వెళ్లి ఏ రోజు వరకు గ్రూప్ లైవ్‌లో ఉండాలనుకుంటున్నారో అక్కడ డేట్ ఫిక్స్ చేయాల్సి ఉంటుంది. ఒక వేళ డిలీట్ కావాల్సిన డేట్ తర్వాత కూడా కొనసాగించాలనుకున్నప్పుడు మళ్లీ సెట్టింగ్స్‌లోకి రిమూవ్ ఎక్స్‌పైరేషన్ డేట్‌పై క్లిక్ చేసి డేట్‌ను తొలగిస్తే సరిపోతుంది. అప్పుడు ఎన్ని రోజులైనా ఆ గ్రూప్ కొనసాగుతుంది.
మరోవైపు.. వాట్సాప్ ఇటీవలే సైలెన్స్ అన్‌నోన్ కాలర్స్ అనే ఫీచర్‌ను తీసుకొస్తున్నట్లు ప్రకటించింది. దీని ద్వారా అన్‌వాంటెడ్ కాల్స్ నుంచి విసిగిపోయే వారికి ఉపశమనం లభించనుంది. గుర్తు తెలియని నంబర్ నుంచి కాల్ వచ్చినప్పుడు నోటిఫికేషన్ మాత్రమే కనిపిస్తుంది తప్పా కాల్ రింగ్ కాదు. దీంతో పాటు షెడ్యూల్ కాల్స్, ట్రాన్స్‌క్రైబ్ వాయిస్ మెసేజెస్ వంటి ఫీచర్లను అందుబాటులోకి తీసుకొచ్చింది వాట్సాప్.