వాట్సాప్ ద్వారా ఈ డాక్యుమెంట్ను క్షణాల్లో డౌన్లోడ్ చేసుకోవచ్చు
ఈ నేపధ్యంలో ప్రజలకు ఇబ్బంది కలగకుండా ఉండే విధంగా కేంద్ర ఆరోగ్యశాఖ వాట్సాప్ నుంచి పొందే సౌకర్యాన్ని అందుబాటులోకి తీసుకుంది.
ఈ మేరకు కేంద్ర ఆరోగ్యశాఖ మంత్రి మన్సుఖ్ మాండవియా ట్వీట్ చేశారు. ఒక్క డోసు టీకా తీసుకున్నా, రెండు డోసులు తీసుకున్నా.. ఆ మేరకు వ్యాక్సినేషన్ సర్టిఫికేట్ను పొందొచ్చునని.. ఈజీగా డౌన్లోడ్ చేసుకోవచ్చునని కేంద్ర ఆరోగ్యశాఖ స్పష్టం చేసింది. మరి డౌన్లోడ్ చేసుకునే ప్రక్రియ ఏంటో ఇప్పుడు చూద్దాం…
దేశంలో కరోనా కట్టడికి ఏకైక ఆయుధంగా భావిస్తున్న వ్యాక్సినేషన్ ప్రక్రియ వేగంగా కొనసాగుతోంది. ఇప్పటికే సగానికి పైగా జనాభా వ్యాక్సిన్ తీసుకున్నారు.
వాక్సిన్ తీసుకున్న వారు తమ వ్యాక్సినేషన్ సర్టిఫికెట్ డౌన్లోడ్ చేసుకోవాల్సి ఉంటుంది. తద్వారా, దేశీయ, విదేశీ ప్రయాణాల్లో ఇది ఉపయోగపడుతుంది.
దీని కోసం ప్రభుత్వం కోవిన్ అనే యాప్ను అందుబాటులోకి తెచ్చింది. అయితే, దీనిపై అవగాహన లేక చాలా మంది ఇబ్బందులు ఎదుర్కొంటున్నారు. అందుకే, వ్యాక్సిన్ సర్టిఫికెట్ డౌన్లోడ్ను మరింత సులభతరం చేసేందుకు కేంద్ర ప్రభుత్వం కీలక నిర్ణయం తీసుకుంది. ప్రముఖ ఛాటింగ్ యాప్ వాట్సాప్లో కూడా వాక్సిన్ సర్టిఫికెట్ డౌన్లోడ్ చేసుకునే సదుపాయాన్ని కల్పిస్తోంది.
MyGov కరోనా హెల్ప్డెస్క్ ఈ సరికొత్త సదుపాయాన్ని అందుబాటులోకి తెచ్చింది. ఇప్పటి వరకు వ్యాక్సిన్ కేంద్రాలు, టెస్టింగ్ కేంద్రాలు వంటి వివరాలను మాత్రమే తెలియజేసిన ఈ హెల్ప్డెస్క్.. ఇప్పుడు వ్యాక్సిన్ సర్టిఫికెట్ను నేరుగా వాట్సాప్లోనే పొందే అవకాశం కల్పిస్తోంది. ఇంతకీ, ఈ సర్టిఫికెట్ ఎలా డౌన్లోడ్ చేసుకోవాలో స్టెప్ బై స్టెప్ ప్రాసెస్ చూద్దాం.
వ్యాక్సిన్ సర్టిఫికెట్ డౌన్లోడ్ చేసుకునే ప్రక్రియ..
స్టెప్ 1: మీ స్మార్ట్ఫోన్లో MyGov కరోనా హెల్ప్డెస్క్ వాట్సాప్ నంబర్ +91 9013151515 ను సేవ్ చేసుకోండి.
స్టెప్ 2: ఫోన్ నంబర్ను సేవ్ చేసిన తర్వాత వాట్సాప్ యాప్ను ఓపెన్ చేయండి.
స్టెప్ 3: చాట్ విండోలో ఈ కాంటాక్ట్ నంబర్ను సెర్చ్ చేసి ఓపెన్ చేయండి.
స్టెప్ 4: తర్వాత డైలాగ్ బాక్స్లో, డౌన్లోడ్ సర్టిఫికెట్ అని టైప్ చేయండి.
స్టెప్ 5: మీ వాట్సాప్ నంబర్ ఇది వరకే కొవిన్ ప్లాట్ఫామ్లో నమోదై ఉంటే మీకు ఆరు అంకెల OTP వస్తుంది.
స్టెప్ 7: చాట్బాట్ వెంటనే మీ వ్యాక్సినేషన్ సర్టిఫికెట్ను మీ వాట్సాప్ నంబర్కు పంపిస్తుంది. దాన్ని డౌన్లోడ్ చేసుకోండి. భవిష్యత్తులో ఉపయోగం కోసం ప్రింటవుట్ తీసుకోండి.
ఒకవేళ, వ్యాక్సిన్ కోసం మీరు వేరే మొబైల్ నంబర్ ఇచ్చి ఉంటే ఆ వాట్సాప్ నంబర్ నుంచే ఈ మెసేజ్ పంపించాల్సి ఉంటుంది. ఈ సర్టిఫికెట్ను కోవిన్ యాప్ లేదా ఆరోగ్య సేతు యాప్ ద్వారా కూడా డౌన్లోడ్ చేసుకోవచ్చు.