Mega-job-mela-1000-jobs-participating-20-companies-nellore-details

AP లో మెగా జాబ్ మేళా.. 1000కి పైగా ఉద్యోగాలు.. 20 టాప్ మోస్ట్ కంపెనీలు హాజరు

ఆంధ్రప్రదేశ్‌ నెల్లూరు జిల్లా ఆత్మకూరులోని ప్రభుత్వ పాలిటెక్నిక్ కాలేజీలో ఈనెల 30న ఈ జాబ్ మేళా నిర్వహించనున్నారు. ఉదయం 10 గంటల నుంచి జాబ్ మేళా ప్రారంభం కానుంది.

ఏపీలోని నిరుద్యోగ యువతీ యువకులకు గుడ్‌న్యూస్‌. ఆంధ్రప్రదేశ్‌ ఐటీశాఖ మంత్రి మేకపాటి గౌతమ్ రెడ్డి ఆధ్వర్యంలో ఈనెల 30న మెగా జాబ్ మేళా నిర్వహించనున్నారు. నెల్లూరు జిల్లా ఆత్మకూరులోని ప్రభుత్వ పాలిటెక్నిక్ కాలేజీలో ఈనెల 30న ఈ జాబ్ మేళా నిర్వహించనున్నారు. ఉదయం 10 గంటల నుంచి జాబ్ మేళా ప్రారంభం కానుంది.

ముఖ్యంగా ఆత్మకూరు నియోజకవర్గ యువతకు ఉద్యోగ అవకాశాలు కల్పించడానికి కృషిచేస్తున్నామని మంత్రి కార్యాలయం ఓ ప్రకటనలో తెలిపింది. అందుకోసం ప్రతి ఏటా ఇలా జాబ్ మేళా నిర్వహిస్తున్నట్టు తెలిపింది. ఈ ఏడాది కూడా భారీ స్థాయిలో వెయ్యి ఉద్యోగాలను జాబ్ మేళా ద్వారా భర్తీ చేస్తామని.. సుమారు 20 కంపెనీలను ఈ జాబ్ మేళాకు ఆహ్వానిస్తున్నట్టు తెలిపారు.

జిరాక్స్ కాపీలతో అటెండ్ కావొచ్చు
ఈ జాబ్‌మేళాకు టెన్త్, ఇంటర్, ఐటీఐ, పాలిటెక్నిక్, డిగ్రీ, పీజీ, బిటెక్, డిప్లొ ఇన్ మెడికల్, ఫార్మసీ, బీఎస్సీ కెమిస్ట్రీ లాంటి కోర్సులు చదివిన నిరుద్యోగ యువతీ యువకులు పాల్గొనవచ్చు. ఒరిజినల్ సర్టిఫికెట్స్ లేకపోయినా జిరాక్స్ కాపీలతో జాబ్ మేళాకు అటెండ్ కావొచ్చని నిర్వాహకులు తెలిపారు.

ఈ జాబ్‌మేళాకు అపెక్స్ సొల్యూషన్స్, గ్రీన్ టెక్ ఇండస్ట్రీస్, అపాచీ ఫుట్ వేర్, హీరో మోటార్స్, ఇసుజు, హెటిరో డ్రగ్స్, ఫ్లిప్ కార్ట్, అమెజాన్ వంటి ప్రముఖ సంస్థలు ఇక్కడ తమ ప్రతినిధుల ద్వారా ఔత్సాహిక యువతీ యువకులను ఎంపిక చేసుకుంటాయి. భారీ ప్యాకేజీలను అందించబోతున్నాయి. కొన్ని ఉద్యోగాలకు 5వ తరగతి మినిమమ్ క్వాలిఫికేషన్‌గా నిర్ణయించారు.