Skip to content
how-to-Copy text from Photo-steps
ఫొటోల్లోని టెక్ట్స్ ను ఎలా కాపీ చేయాలో తెలుసా..! ఆండ్రాయిడ్ మొబైళ్లు, ఐఫోన్లు, కంప్యూటర్లలో ఈ స్టెప్స్ను ఫాలో అవండి
మీరు చాలా సందర్భాల్లో ముఖ్యమైన టెక్ట్స్ (Text) ఉన్న ఫొటోలను చూస్తుంటారు. ఆ ఫొటోల్లో టెక్ట్స్ రూపంలో చాలా సమాచారం ఉంటుంది.
అందులోని ఏదైనా టెక్ట్స్ కావాలంటే ఏం చేస్తారు?.. చాలా మంది నోట్స్ లాంటి యాప్స్లో టైప్ చేసుకొని సేవ్ చేసుకుంటారు. లేకపోతే కంప్యూటర్లో టైప్ చేసుకుంటారు.
అయితే ఫొటోల్లోని టెక్స్ట్ను కాపీ చేసుకోవచ్చని మీకు తెలుసా! టైప్ చేసే అవసరం లేకుండా ఆ ఫొటోల్లోని టెక్ట్స్ను మీరు సులువుగా కాపీ చేసి కావాల్సిన చోట పేస్ట్ చేసుకోవచ్చు.
ఇది చాలా సింపుల్. ఇలా ఆండ్రాయిడ్, ఐఫోన్ మొబైళ్లు, కంప్యూటర్లో ఫొటోల్లోని టెక్స్ట్ను ఎలా కాపీ చేయాలో చూడండి.
ఆండ్రాయిడ్, ఐఫోన్ మొబైళ్లలో..
-
ముందుగా స్మార్ట్ఫోన్లో గూగుల్ లెన్స్ (Google Lens) యాప్ ఓపెన్ చేయాలి. ఒకవేళ ఫోన్లో లేకపోతే యాప్ స్టోర్లో డౌన్లోడ్ చేసుకోవచ్చు.
-
గూగుల్ లెన్స్ యాప్ ఓపెన్ చేశాక.. టెక్స్ట్ కాపీ చేయాలనుకుంటున్న ఫొటోను సెలెక్ట్ చేసుకోవాలి.
-
టెక్స్ట్ ఉన్న ఫొటో ఓపెన్ అవుతుంది. ఆ తర్వాత టెక్ట్స్పై లాంగ్ ప్రెస్ చేయాలి. మీకు ఎంత వరకు కావాలో అంత టెక్ట్స్ను సెలెక్ట్ చేసుకోవాలి.
-
ఇది పూర్తయ్యాక.. స్క్రీన్ కింద కాపీ టెక్ట్ (Copy Text) అనే ఆప్షన్ కనిపిస్తుంది. దానిపై ట్యాప్ చేయండి.
-
అంతే టెక్స్ట్ కాపీ అవుతుంది. మీకు ఇష్టమైన దగ్గర ఆ టెక్స్ట్ను పేస్ట్ చేసుకోవచ్చు.
కంప్యూటర్/ ల్యాప్టాప్లో..
-
ముందుగా వెబ్ బ్రౌజర్లో గూగుల్ ఫొటోస్ (Google Photos) వెబ్ పేజీకి వెళ్లాలి. ఆ తర్వాత జీమెయిల్తో లాగిన్ అవ్వాలి.
-
అనంతరం డ్రైవ్లోని ఫొటోలు కనిపిస్తాయి. ఏ ఫొటోలోని టెక్ట్స్ కావాలో దాన్ని సెలెక్ట్ చేసుకోవాలి. లేదంటే ఎక్స్పోర్ట్ చేసుకొని కూడా సెలెక్ట్ చేసుకోవచ్చు.
-
ఫొటో ఓపెన్ చేశాక పై కుడిభాగంలో కాపీ టెక్ట్స్ ఫ్రమ్ ఇమేజ్ (Copy Text from Image) అనే ఆప్షన్ కనిపిస్తుంది. ఫొటోలో టెక్ట్స్ ఉండేనే ఈ ఆప్షన్ కనిపిస్తుందని గుర్తుంచుకోవాలి.
-
కాపీ టెక్స్ట్ ఫ్రమ్ ఇమేజ్ సెలెక్ట్ చేసుకున్న తర్వాత.. ఆ ఫొటోలోని టెక్ట్స్ అంతా పక్కన కనిపిస్తుంది. అక్కడి నుంచి కూడా కాపీ చేసుకోవచ్చు. లేకపోతే నేరుగా ఫొటోపైన టెక్ట్స్ను కూడా సెలెక్ట్ చేసుకొని కాపీ చేసుకోవచ్చు. ఆ టెక్స్ట్ను ఎక్కడైనా పేస్ట్ చేసుకోవచ్చు
error: Don\'t Copy!!!!