apteachers360

ap-cabinet-1st-meeting-details

Andhra Pradesh: కేబినెట్‌ తొలి భేటీ .. ఎజెండా మేటి.. సమపాళ్లలో సంక్షేమం, అభివృద్ధి

ఏపీలో కొలువుదీరిన కొత్త ప్రభుత్వం… సరికొత్త లక్ష్యాలను నిర్దేశించుకుని ముందుకు వెళుతోంది. తొలిసారి సమావేశమైన చంద్రబాబు మంత్రివర్గం… నవ్యాంధ్ర నవ నిర్మాణం కోసం కీలక నిర్ణయాలు తీసుకుంది. ఎన్నికల్లో ఇచ్చిన హామీల అమలుతో పాటు… అభివృద్ధికి బాటలు వేసేలా ప్రణాళిక రూపొందించాలని నిర్ణయించింది. సంక్షేమం ఓవైపు.. అభివృద్ధి మరోవైపు… ఈ రెండూ కొనసాగిస్తూనే రాజకీయంగానూ తనదైన దూకుడుతో ముందుకెళ్లాలని కూటమి సర్కార్‌ ప్లాన్‌ చేస్తున్నట్టు అర్థమవుతోంది.

మెగా డీఎస్సీ నోటిఫికేషన్‌కు ఆమోదం తెలిపిన మంత్రి మండలి.. ల్యాండ్ టైటిలింగ్ చట్టం రద్దుకు కూడా ఓకే చెప్పింది. పెన్షన్ల పెంపునకు గ్రీన్ సిగ్నల్ ఇచ్చిన కేబినెట్‌… 66లక్షల మందికి… సచివాలయం సిబ్బందితో ఇంటింటికీ ఆ మొత్తాన్ని అందజేయాలని నిర్ణయించింది. అయితే, వాలంటీర్ల విషయంలో మాత్రం ఎలాంటి నిర్ణయం తీసుకోలేదు మంత్రివర్గం.

1. *మెగా డీఎస్సీ* :

2. *ఆంధ్రప్రదేశ్ భూహక్కు చట్టం (ల్యాండ్ టైటిలింగ్ యాక్ట్) 2022 రద్దు*:

3. *సామాజిక పింఛన్లకు సంబంధించి గతంలో ఉన్న ఎన్టీఆర్ భరోసా పింఛన్ పథకంగా పేరు మార్పు చేస్తూ కేబినెట్ ఆమోదం తెలిపింది*.

4.*రాష్ట్రంలో ఆంధ్రప్రదేశ్ నైపుణ్య సెన్సెస్-2024 నిర్వహణకు మంత్రి మండలి ఆమోదం తెలిపింది.* 

5. *రాష్ట్రం లోని పేదవారి ఆకలి దప్పులను తీర్చే లక్ష్యంతో సబ్సిడీ ధరకు నాణ్యమైన ఆహారాన్ని అందించేందుకు గతంలో మంజూరు చేసిన అన్నా క్యాంటీన్‌లను పున: ప్రారంభించేందుకు మంత్రి వర్గం ఆమోదం తెలిపింది.*

6. విజయవాడలోని డా.వైయస్సార్ ఆరోగ్య విశ్వవిద్యాలయం పేరును డా.ఎన్టీఆర్ ఆరోగ్య విశ్వ విద్యాలయంగా పునర్ నామకరణం చేస్తూ కేబినెట్ ఆమోదం తెలిపింది.*

7. ఆంధ్రప్రదేశ్ రాష్ట్ర అడ్వకేట్ జనరల్ గా దమ్మాలపాటి శ్రీనివాస్ ను నియమిస్తూ ప్రభుత్వం తీసుకున్న నిర్ణయానికి మంత్రి మండలి ఆమోదం తెలిపింది.*

ఇతర అంశాలు* :

జూలై 1న పేదల అకౌంట్లలో రూ. 4408 కోట్లు

తొలి కేబినెట్‌ భేటీలోనే పెన్షన్లపై నిర్ణయం తీసుకోవడంతో… పేదలకు ఎంతో కీలకమైన సంక్షేమపథకాలకు పెద్దపీట వేస్తామని కొత్త ప్రభుత్వం సంకేతాలిచ్చినట్టుగా స్పష్టమవుతోంది. దాదాపు 64లక్షల మందికి చేరనున్న వివిధ రకాల పెన్షన్ల కోసం.. గత ప్రభుత్వం కన్నా పదివేల కోట్లు అదనంగా ఖర్చు చేస్తోంది ప్రస్తుత ప్రభుత్వం. ఈ పెంపువల్ల.. ప్రతీనెలా అదనంగా 819 కోట్ల రూపాయల ఆర్థిక భారం ప్రభుత్వంపై పడనుంది. అయినా వృద్దులు కోసం ఈ నిర్ణయం తీసుకున్నామంటోంది సర్కారు. పెంపునకు సంబంధించి గత మూడు నెలల బకాయి పెన్షన్‌ 1650 కోట్ల రూపాయలను కూడా విడుదల చేయాలని కేబినెట్‌ నిర్ణయించింది. అంటే, జూలై ఒకటిన 4,408 కోట్ల రూపాయలను కేవలం పేదల అకౌంట్లలో వేయనుంది ప్రభుత్వం.

ల్యాండ్‌ టైటిలింగ్‌ యాక్ట్‌ రద్దుకు ఆమోదం

గత ఎన్నికల్లో తీవ్ర ప్రభావం చూపింన ల్యాండ్‌ టైటిలింగ్‌ యాక్ట్‌ రద్దును కూడా కేబినెట్‌ సమర్థించింది. ముఖ్యమంత్రిగా బాధ్యతలు చేపట్టిన రోజు.. చంద్రబాబు చేసిన ఐదు సంతకాల్లో ఈ అంశం కూడా ఒకటి కావడం విశేషం. అందుకే, దీనికి ప్రాధాన్యతను ఇచ్చిన కేబినెట్‌… యాక్ట్‌ను రద్దు చేస్తున్నట్టు ప్రకటించింది. అయితే, ఈ చట్టం ద్వారా నష్టపోయిన రైతులకు న్యాయం చేసే అంశంలో ఎలా వ్యవహరిస్తారనేది తెలియాల్సి ఉంది.

యువతలో విశ్వాసం నింపేలా స్కిల్‌ సెన్సెస్‌

ఏపీలో నిరుద్యోగ సమస్యను తొలగించేందుకు గట్టిగా కృషి చేయాలని నిర్ణయించింది కేబినెట్‌. నిజం చెప్పాలంటే నిరుద్యోగ అంశం ఎన్నికల్లో కీలక పాత్ర పోషించింది. అందుకే, యువతలో నమ్మకాన్ని నింపేలా.. స్కిల్ సెన్సెస్ కార్యక్రమాన్ని అమలు చేయాలని డిసైడ్‌ అయ్యింది ప్రభుత్వం. తద్వారా యువతకు, నిరుద్యోగులకు తామిస్తున్న ప్రాధాన్యతను తెలియజెప్పొచ్చని భావిస్తోంది. అంతేకాదు, యువతను పెడదోవ పట్టిస్తున్న గంజాయిని పూర్తి నిర్మూలించేందుకు.. కీలక నిర్ణయం తీసుకుంది. ఈ మహమ్మారిని రాష్ట్రం నుంచి తరిమేందుకు.. ఏం చేయాలన్న దానిపై చర్చించేందుకు ఐదుగురు మంత్రులతో సబ్‌ కమిటీ ఏర్పాటు చేసింది. మంత్రులు అనిత,లోకేష్,కొల్లు రవీంద్ర,సత్య కుమార్,సంధ్యా రాణి ఆధ్వర్యంలో కేబినెట్ సబ్ కమిటీ పనిచేయనుంది.

ఈనెల 31 నుంచి 7శాఖలపై శ్వేతపత్రాలు

సంక్షేమం, అభివృద్ధి సమపాళ్లుగా ముందుకెళ్తూనే… రాజకీయంగా ప్రత్యర్థులను ఎదుర్కొనేందుకు ప్రణాళిక రచిస్తోంది కూటమి ప్రభుత్వం. అందుకే, రాష్ట్ర ఆర్థిక పరిస్థితిని ప్రజల కళ్లకు కట్టేలా చూపించేందుకు… ఈ నెల 31 నుంచి 7 శాఖల్లో శ్వేత పత్రాలు విడుదల చేయాలని కేబినెట్ నిర్ణయం తీసుకుంది. పోలవరం,అమరావతి, విద్యుత్, ల్యాండ్ -సాండ్, లిక్కర్, లా అండ్ ఆర్డర్, ఆర్థికశాఖలపై వైట్ పేపర్లు రిలీజ్ చేసేందుకు సిద్ధమవుతోంది.

పోలవరం నుంచే శ్వేతపత్రాలు మొదలు!

ఏపీకి జీవనాడి లాంటి పోలవరం ప్రాజెక్టును… రాష్ట్రప్రభుత్వం టాప్‌ ప్రయారిటీగా భావిస్తోంది. వీలైనంత త్వరగా ప్రాజెక్టును పూర్తి చేయాలని భావిస్తున్న చంద్రబాబు.. గత ప్రభుత్వం ఏం చేసిందనే విషయానికి సంబంధించి, ప్రజల ముందు నిజానిజాలు పెట్టేందుకు సిద్ధమవుతున్నారు. అందుకే, ముందుగా పోలవరంపైనే శ్వేత పత్రం విడుదల చేసేందుకు రెడీ అవుతున్నారు.

పోలవరం ఖర్చు, నిధులపై శ్వేతపత్రం!

గతంలో ఇదే పోలవరంపై.. అసెంబ్లీ వేదికగా పెద్ద యుద్ధమే జరిగింది. నాడు అధికార పక్షంగా వైసీపీ… ప్రతిపక్ష టీడీపీని టార్గెట్‌ చేసింది. గత ప్రభుత్వ తీరు వల్లే ప్రాజెక్ట్‌ ఆలస్యమైందన్న ఆరోపణలు గుప్పించింది. అయితే, పోలవరం విషయంలో అసలేం జరిగిందో ప్రజలకు తెలియజెప్పాలన్న కృతనిశ్చయంతో కూటమి సర్కార్‌ ఉంది. అందుకే దీనికి సంబంధించి శ్వేత పత్రాన్ని విడుదల చేసి… ఎప్పుడెన్ని నిధులు వచ్చాయ్‌? ఎక్కడెక్కడ ఎలా ఖర్చయ్యాయ్‌? నిధులు దుర్వినియోగమయ్యాయా? లేక డైవర్షన్‌ జరిగిందా? అనే వివరాలను ప్రజల ముందు పెట్టేందుకు సిద్ధమవుతోంది.

పోలవరం తర్వాత కీలకం అమరావతి

పోలవరం తర్వాత.. ప్రభుత్వం ప్రతిష్టాత్మకంగా తీసుకుంటున్న అంశం రాజధాని అమరావతి. చంద్రబాబు మానస పుత్రికగా పురుడు పోసుకున్న అమరావతి.. 2019 తర్వాత నిర్లక్ష్యానికి గురైంది. గత ప్రభుత్వం మూడు రాజధానుల నినాదం ఎత్తుకోవడంతో… అమరావతి అభివృద్ధి ఆగిపోయింది. ఇప్పటికే అమరావతి ప్రాంతమంతా పర్యటించిన చంద్రబాబు.. అక్కడి నిర్మాణాలను పరిశీలించారు. సో.. రాజధాని ప్రస్తుత పరిస్థితిపై ఒక శ్వేత పత్రాన్ని విడుదల చేస్తే.. ప్రజలకు పూర్తి వివరాలు తెలుస్తాయన్నది ప్రభుత్వ ఆలోచనగా తెలుస్తోంది. ఎందుకంటే గత టర్మ్‌లో అత్యంత వివాదాస్పదమైన అంశంగా.. పొలిటికల్‌ డిబేట్‌గా నిలిచింది రాజధాని అమరావతి. దాదాపు 2019 నుంచి 2024 దాకా.. దీని మీదే రాజకీయ వేడి ఎగిసిపడింది. అందుకే కొత్త ప్రభుత్వానికి ఇది సవాల్‌గా మారనుంది. అమరావతి అభివృద్ధి కొనసాగించేలా అప్పుడే పనులు మొదలెట్టిన ప్రభుత్వం… శ్వేత పత్రం ద్వారా మరిన్ని విషయాలను ప్రజల ముందుకు తీసుకురావాలనుకుంటోంది.

జూలై 18లోపు శ్వేతపత్రాలు విడుదల

రాష్ట్రంలో అల్లకల్లోలం సృష్టించిన మరికొన్ని అంశాలపైనా వైట్‌ పేపర్‌ రిలీజ్‌ చేసేందుకు కేబినెట్‌ నిర్ణయించింది. విద్యుత్‌, శ్యాండ్‌, లా అండ్‌ ఆర్డర్‌, లిక్కర్‌ అంశాలపైనా శ్వేత పత్రాలు విడుదల చేయాలని డిసైడైంది. విద్యుత్‌శాఖపై అప్పటి పాలక, ప్రతిపక్షాల మధ్య ఏరేంజ్‌లో మాటల యుద్ధం నడిచిందో… ఇసుక విషయంలో ఏ స్థాయి రచ్చ చెలరేగిందో ప్రపంచమంతా చూసింది. అందుకే ఈ అంశాలపైనా ఫోకస్‌ చేసింది కేబినెట్‌. ఇక లా అండ్‌ ఆర్డర్‌.. లిక్కర్‌ అంశాలూ.. గతంలో చాలా వివాదాస్పదమయ్యాయి. అందుకే వీటిపైనా శ్వేత పత్రం విడుదల చేయాలని కేబినెట్‌ నిర్ణయించింది. మొత్తంగా ఏడు శాఖలపై శ్వేత పత్రాలను జులై 18 లోగా రిలీజ్ చేయాలని టైమ్‌ ఫిక్స్‌ చేసింది.

ఒకేసారి 183 అన్నా క్యాంటీన్లు

ఇక, ఒకేసారి రాష్ట్ర వ్యాప్తంగా 183 అన్న క్యాంటీన్ల ప్రారంభానికి ఆమోదం తెలిపింది కేబినెట్‌. గంజాయి, డ్రగ్స్ నివారణపై కీలకంగా చర్చించిన మంత్రివర్గం… 100 రోజుల్లో డ్రగ్స్ అరికట్టేలా యాక్షన్ ప్లాన్‌ను ప్రతిపాదించింది. ఇకనుంచి మంత్రులకు జిల్లాల వారిగా ఇంచార్జీ బాధ్యతలు కూడా దక్కనుండంతో… నిర్దేశిత లక్ష్యాలు మరింత ముందుకు తీసుకెళ్లొచ్చనే భావనలో ప్రభుత్వం ఉంది.

new-law-against-anti-paper-leak Law-2024

పేపర్‌ లీక్‌చేస్తే 10 ఏళ్ల జైలు శిక్ష.. రూ.కోటి జరిమానా!

వరుస పేపర్‌ లీక్‌లతో కేంద్రం ఉక్కిరిబిక్కిరి అవుతుంది. పేపర్‌ లీకేజీలకు పాల్పడుతున్న వారిపై కేంద్రం ఉక్కుపాదం మోపనుంది. పబ్లిక్ పరీక్షల్లో పేపర్ లీక్‌లు, చీటింగ్‌లను అరికట్టడానికి ప్రభుత్వం పబ్లిక్ ఎగ్జామినేషన్స్(ప్రివెన్షన్‌ ఆఫ్‌ అన్‌ఫెయిర్‌ మీన్స్‌) యాక్ట్‌ 2024ను తీసుకువచ్చింది. ఆ చట్టం జూన్‌ 21 నుంచి అమల్లోకి వచ్చినట్లు గెజిట్‌ నోటిఫికేషన్‌ విడుదల చేసింది

వరుస పేపర్‌ లీక్‌లతో కేంద్రం ఉక్కిరిబిక్కిరి అవుతుంది. పేపర్‌ లీకేజీలకు పాల్పడుతున్న వారిపై కేంద్రం ఉక్కుపాదం మోపనుంది. పబ్లిక్ పరీక్షల్లో పేపర్ లీక్‌లు, చీటింగ్‌లను అరికట్టడానికి ప్రభుత్వం పబ్లిక్ ఎగ్జామినేషన్స్(ప్రివెన్షన్‌ ఆఫ్‌ అన్‌ఫెయిర్‌ మీన్స్‌) యాక్ట్‌ 2024ను తీసుకువచ్చింది. ఆ చట్టం జూన్‌ 21 నుంచి అమల్లోకి వచ్చినట్లు గెజిట్‌ నోటిఫికేషన్‌ విడుదల చేసింది. దీంతో నీట్‌, యూజీసీ నెట్‌ పరీక్షల లీకేజీలతో వెల్లువెత్తిన భారీ వివాదాల మధ్య ఈ చట్టం అమల్లోకి వచ్చింది. ఈ ఏడాది ఫిబ్రవరిలోనే చట్టం చేసినా ఎన్నికల నేపథ్యంలో అమలు తేదీని ప్రకటించలేదు. జూన్‌ 20న జరిగిన విలేకర్ల సమావేశంలో దీనిపై కేంద్ర విద్యాశాఖ మంత్రి ధర్మేంద్రప్రధాన్‌ను మీడియా ప్రశ్నించింది. న్యాయశాఖ నిబంధనలు రూపొందిస్తోందని, త్వరలో నోటిఫై చేస్తామని ఆయన ప్రకటించారు. ఈ వ్యాఖ్యలు చేసిన 24 గంటల్లోనే కేంద్ర చట్టాన్ని అమల్లోకి తెస్తూ నోటిఫికేషన్‌ జారీ చేయడం విశేషం.

తాజాగా అమల్లోకి వచ్చిన ఈ చట్టం ప్రకారం.. నేషనల్ టెస్టింగ్ ఏజెన్సీ (NTA) వంటి ప్రధాన సంస్థలు నిర్వహించే యూనియన్ పబ్లిక్ సర్వీస్ కమిషన్ (UPSC), స్టాఫ్ సెలక్షన్ కమిషన్ (SSC), రైల్వేలు, బ్యాంకింగ్ రిక్రూట్‌మెంట్ వంటి పబ్లిక్ పరీక్షలలో అవకతవకలకు పాల్పడితే కఠిన చర్యలు తప్పవు. చట్టవిరుద్ధంగా పరీక్ష పేపర్లను బయటికి తెచ్చినా, ప్రశ్నలు, జవాబులను లీక్‌ చేసినా, కంప్యూటర్‌ నెట్‌వర్క్‌ను ట్యాంపరింగ్‌ చేసినా, నకిలీ పరీక్షలు నిర్వహించినా నేరంగా పరిగణిస్తారు. నిందితులకు 5 నుంచి 10 ఏళ్ల వరకు జైలుశిక్షతోపాటు రూ.కోటి వరకు జరిమానా విధిస్తారు.

వ్యవస్థీకృత నేరాలను పాల్పడినట్లు రుజువైతే సర్వీస్ ప్రొవైడర్‌లలోని సీనియర్ అధికారులు ఉద్దేశపూర్వకంగా ఇలాంటి కార్యకలాపాలలో పాల్గొన్నట్లు రుజువైతే కనీసం మూడేళ్ల నుంచి 10 యేళ్ల వరకు జైలు శిక్ష తప్పదు. అలాగే రూ. 1 కోటి జరిమానా. వ్యవస్థీకృత పరీక్షల మాల్‌ప్రాక్టీస్‌లో పాల్గొన్న ఎగ్జామినేషన్ అధికారులు లేదా సర్వీస్ ప్రొవైడర్‌లకు కనిష్టంగా ఐదేళ్లు, గరిష్టంగా 10 యేళ్ల జైలు శిక్ష విధిస్తారు. దీనితోపాటు రూ. 1 కోటి జరిమానా ఉంటుంది.

PM Kisan-17th-installments-Know Your Status

eKYC is MANDATORY for PMKISAN Registered Farmers. OTP Based eKYC is available on PMKISAN Portal or nearest CSC centres may be contacted for Biometric based eKYC.

PM Kisan: నేడు రైతుల ఖాతాల్లోకి పీఎం కిసాన్‌ డబ్బులు..స్టేటస్‌ చెక్‌ చేసుకోవడం ఎలా?

కేంద్ర ప్రభుత్వం దేశ ప్రజల కోసం ఎన్నో పథకాలను ప్రవేశపెడుతుంది. రైతులు ఆర్థికంగా ఎదిగేందుకు రకరకాల పథకాలను సైతం అమలు చేస్తోంది. కేంద్రం అమలు చేస్తున్న పథకాల్లో పీఎం కిసాన్‌ స్కీమ్‌ ఒకటి. ఈ పథకంలో భాగంగా రైతుకు ఏడాదికి రూ.6000 అందుతాయి. ఈ మొత్తం ఒకేసారి కాకుండా ఏడాదిలో మూడు విడతలుగా అంటే రూ.2000 చొప్పున..

కేంద్ర ప్రభుత్వం దేశ ప్రజల కోసం ఎన్నో పథకాలను ప్రవేశపెడుతుంది. రైతులు ఆర్థికంగా ఎదిగేందుకు రకరకాల పథకాలను సైతం అమలు చేస్తోంది. కేంద్రం అమలు చేస్తున్న పథకాల్లో పీఎం కిసాన్‌ స్కీమ్‌ ఒకటి. ఈ పథకంలో భాగంగా రైతుకు ఏడాదికి రూ.6000 అందుతాయి. ఈ మొత్తం ఒకేసారి కాకుండా ఏడాదిలో మూడు విడతలుగా అంటే రూ.2000 చొప్పున రైతుల ఖాతాల్లో జమ చేస్తోంది మోడీ సర్కార్‌. ఇప్పటి వరకు రైతులకు 16వ విడత డబ్బులు అందుకోగా, ఇప్పుడు 17వ విడత రావాల్సి ఉంటుంది. మంగళవారం ప్రధాని నరేంద్ర మోడీ ఈ మొత్తాన్ని విడుదల చేయనున్నారు. వారణాసి పర్యటనలో భాగంగా మోడీ ఈ డబ్బులు విడుదల చేస్తారు. ఈ పథకం ద్వారా మొత్తం 9.26 కోట్ల మంది రైతుల ఖాతాల్లో రూ.20 వేల కోట్ల మొత్తాన్ని జమ.

డబ్బుల స్టేటస్​ చెక్‌ చేసుకోవడం ఎలా?

• ముందుగా పీఎం కిసాన్ బెనిఫీషియరీ స్టేటస్, ఇన్​స్టాల్​మెంట్ స్టేటస్​ చెక్​ చేసుకోవడానికి ఈ https://pmkisan.gov.in/ పోర్టల్​ను ఓపెన్ చేయండి.
• ఆ తర్వాత Know Your Status అనే ఆప్షన్​పై క్లిక్ చేయాలి.
• తర్వాత రిజిస్ట్రేషన్ నంబర్​ను ఎంటర్​ చేసి, క్యాప్చా కోడ్​ను ఎంటర్‌ చేయాలి.
• ఇప్పుడు Get Data అనే ఆప్షన్​పై క్లిక్ చేస్తే స్క్రీన్​పై మీ బెనిషియరీ స్టేటస్​ కనిపిస్తుంది.

PM KISAN OFFICIAL WEBSITE LINK CLICK HERE

social-security-pensions-Enhancement of the existing pension amount

AP News: ఒక్కొక్కరికి రూ. 7 వేలు.. వారందరికీ కొత్త ప్రభుత్వం డబుల్ ధమాకా.. జీవో జారీ

NTR Bharosa Pension scheme : పింఛను పథకం పేరు ‘ఎన్టీఆర్‌ భరోసా’గా మార్పు – పింఛనుదారులపై వరాల జల్లు

G.O.MS.NO.43, DATED; 13-06-2014

పెన్షన్ల విషయంలో ఏపీ ప్రభుత్వం సంచలన నిర్ణయం తీసుకుంది. ఎన్టీఆర్‌ భరోసా పేరుతో ఈ పథకాన్ని అమలు చేసేలా కొత్త జీవోను జారీ చేసింది. చరిత్రలో ఎన్నడూ చూడని విధంగా.. దేశంలో ఏ రాష్ట్రంలోనూ లేని విధంగా.. వృద్ధులు, వితంతువులు, ఒంటరి మహిళలకు చంద్రబాబు ప్రభుత్వం భరోసానిచ్చింది.

పెన్షన్ల విషయంలో ఏపీ ప్రభుత్వం సంచలన నిర్ణయం తీసుకుంది. గతంలో టీడీపీ ప్రభుత్వం ఉన్నప్పుడు ఈ పథకానికి పెట్టిన ‘ఎన్టీఆర్ భరోసా’ పేరుతో ఈ పథకం ఇప్పుడు కొనసాగనుంది. గురువారం పెన్షన్ల పెంపు ఫైల్‌పై చంద్రబాబు సంతకం చేయడంతో ప్రభుత్వ ప్రధాన కార్యదర్శి (సీఎస్) నీరభ్‌కుమార్ ప్రసాద్ తాజాగా ఉత్తర్వులు జారీచేశారు. చరిత్రలో ఎన్నడూ చూడని విధంగా.. దేశంలో ఏ రాష్ట్రంలోనూ లేని విధంగా.. వృద్ధులు, వితంతువులు, ఒంటరి మహిళలకు చంద్రబాబు ప్రభుత్వం భరోసానిచ్చింది. వృద్ధులు, వితంతువులు, ఒంటరి మహిళలకు ఇప్పుడు అందుతున్న 3వేల పెన్షన్‌ను ప్రభుత్వం రూ. 4 వేలకు పెంచింది. ఈ పెన్షన్ పెంపు మొత్తం ఏప్రిల్ నెల నుంచే అమలు కానుంది. అంటే జూలై 1న ఇచ్చే పెన్షన్‌లో గడిచిన మూడు నెలల పెంపు డబ్బులు కూడా కలిపి వృద్ధులు, వితంతువులకు రూ. 7 వేలు ఇచ్చేలా జీవో జారీ చేసింది చంద్రబాబు ప్రభుత్వం.

ఇక దివ్యాంగుల పెన్షన్ డబుల్ చేస్తూ 6 వేలకు పెంచింది. పూర్తిస్థాయిలో అస్వస్థతకు గురైనవారికి, తీవ్ర అనారోగ్యంతో మంచాన పడినవారికి, వీల్‌ఛైర్‌లో ఉన్నవారికి అందే రూ. 5 వేల పెన్షన్‌ను రూ. 15 వేలకు పెంచింది చంద్రబాబు ప్రభుత్వం. కిడ్నీ, కాలేయం, గుండె మార్పిడి చేసుకున్న వారికి, డయాలసిస్‌ స్టేజ్‌కు ముందున్న కిడ్నీ వ్యాధిగ్రస్తుల పెన్షన్‌ను రూ. 5 వేల నుంచి రూ. 10 వేలకు పెంచుతూ నిర్ణయం తీసుకుంది.

మరోవైపు గురువారం సాయంత్రం 4.41 గంటలకు ఏపీ సచివాలయంలో ముఖ్యమంత్రిగా బాధ్యతలు చేపట్టిన చంద్రబాబు.. మొదటిగా ఐదు ఫైల్స్‌పై సంతకాలు చేశారు. అందులో ఒకటి పెన్షన్ల పెంపు. 2014లో టీడీపీ అధికారంలోకి రాగానే 200 రూపాయలున్న వృద్ధుల పెన్షన్ ఏకంగా ఐదు రేట్లు పెంచి వెయ్యి చేశారు. ఆ తర్వాత దాన్ని 2వేలకు పెంచారు. ఈ సారి ఎన్నికల ప్రచారంలో వృద్దుల పెన్షన్ నాలుగు వేలకు పెంచుతామని చంద్రబాబు హామీనిచ్చారు. అంతేకాదు ఏప్రిల్ నుంచి పెంచిన పెన్షన్‌ వర్తింపజేస్తామని ప్రకటించారు. ఆ హామీని నెరవేరుస్తూ మూడో సంతకం చేశారు సీఎం చంద్రబాబు.